Anónimo - Liber Regum o Libro de los linajes de los reyes

LIBER REGUM

O

LIBRO DE LOS LINAJES DE LOS REYES

Redactado entre 1194 y 1209.

Edición tomada de: M. SERRANO Y SANZ, «Cronicón villarense: Liber Regum», en Boletín de la Real Academia Española, Tomo VI, Real Academia Española, Tip. de la «Rev. de Arch., Bibl. y Museos», 1919, pp. 194-207.

Traducción de Javier Martínez Romeo.

[Liber regum.]

Hec est generatio Ade uel ab Addan usque ad Xpum.

Esta es la generacion de Adam troa Ihu Crist como uinie dretamente de padre en fillo.

Adam ouo dos fillos, Kaym & Abel. Mato Kaym ad Abel. E pues ouo Adam otro fillo, qui ouo nomne Seth. Visco Adam DCCCC.XXX annos e murie. Visco Seth, so fillo, DCCCC.XII annos & ouo fillo ad Enos. Visco Enos DCCCC.V annos & ouo fillo a Caynan. Visco Caynan DCCCC.X annos & ouo fillo a Malaleel. Visco Malaleel DCCC.XCV annos & ouo fillo a Jaareth. Visco Jaareth DCCCC.LX.II annos & ouo fillo ad Enoch. Visco Enoch en aquest sieglo CCC.LXX annos & ouo fillo a Matusalem. Et el fo send con Deus nuestro señor en cuerpo & en alma et es uiuo adu con Helias, so compañero. Visco Matusalem DCCCC.LX.IX annos & ouo fillo a Lamech. Visco Lamech DCC.LXX.VII annos & ouo fillo a Noe. Tro aqui a una edat & X generaciones.

Noe quando ouo D annos ouo tres fillos: Sem, Cham et Sapheth. E quando ouo Noe DC annos fo el diluuio e fiso l archa por mandamiento del Criador & estido hi XI meses. Despues quel diluuio fo passado uisco Noe CCC.L annos. Fo toda su uida de Noe DCCC.L annos e murie. Visco Sem, so fillo de Noe, DCC annos & ouo fillo ad Arfaxath. Visco Arfaxath CCC.XXX.VIII annos & ouo fillo a Sale. Visco Sale CCCC.XXX annos & ouo fillo ad Eber. Visco Eber CCCC.LX.III annos & ouo fillo a Salec. Visco Salec CC.XXX.VIII annos & ouo fillo a Rau. Visco Rau CC.XXX.IX annos & ouo fillo a Saruc. Visco Saruc CC.XXX annos & ouo fillo a Nachor. Visco Nachor C.XL.IX annos & ouo fillo a Thare. Est fo el padre de Abraam e fo ydolatre que fazia las ydolas. Visco Thare LXX annos & ouo tres fillos: Abraam, Nachor et Aran. Tro aqui son las dos edades del sieglo.

Quando ouo Abraam LXXX.VII annos ouo fillo ad Ismael de Agar, so manceba. E quando ouo Abraam XC.IX annos estoncz se circuncidie e circuncidie ad Ismael so fillo, e tot fo casado.

E quando ouo Abraam C annos priso muller a Sarra. & ella auia LXXX. annos et ouo fillo et ouo fillo della (sic) ad Ysaac. Visco Sarra CXX annos e murie en Quiria Turba en Ebron e soterrola Abraam en la cueua doblada que dizen spelunca duplici, que compro de Effron eteu por CCCC marcos de plata. E por esta razon compran los iudios las fuessas en que se sotierran. Visco Abraam C.LXX.V annos e murie e soterroronlo en Ebron con Sarra, so muller, en la cueua.

Romaso Isaach & era de edath de XL.ª annos quando priso Rebecca so muller, la filla [F. 27 r.] de Batuel, ermana de Laban. Et al dia que nascieron Esau & Jacob auia Isaach LX annos. Visco Isaach C.LXXX annos e murie en Ebron. Alli lo soterroron amos sos fillos Esau & Iacob. Quando fusco Iacob ad Aran a la tierra de Mesopotamia por miedo de Esau, so ermano, por la bendiccion quel auia furtada, adonc auia Iacob LXX.VII annos. Et estido en Aran con Laban, so tio & so suegro, e siruielo XX.I anno por so filla.

Pues torno Iacob a tierra de Canaam ad Ebron & estido hi XVII annos tro que fo uendido Iosep. Iogo Iosep II annos en la carcel. E pues passaron VII annos de fartura & VII de famne. Estonz uino Iacob con LXX omnes & estido en la tierra de Gessen XVII annos. Entre dodo (sic) uisco Iacob CXL.VII annos e murie en Egipto, e Iosep con sos ermanos levaronlo a soterrar a tierra de Canaam ad Ebron con sos parientes.

Tornose Ioseph con sos ermanos en Egipto & ouo en poder la tierra del rei Pharaon. Visco Iosep C.X annos e murie en Egipto e pusieronlo en una tauth de fierro, et estido hi tro que exieron los fillos de Israel de Egipto y leuoronlo e soterroronlo en Sichem, assi como el les auia pregado. Desque murie Iosep romasieron los fillos de Israel en catiuo & en seruitut, et estidieron en Egipto CC.X annos tro que los entrasco Moysen por uoluntat del Criador nostro sennor por mano de Moysen.

Quando murie Iacob en Egipto lexo XII fillos. Destos XII fillos exieron los XII tribus de Israel. Iacob ouo fillo a Iuda. Est fo maior en la generacion, que del uinieron los reies. Judas ouo dos fillos de Thamar, so nuera: Phares & Haram, de Thamar. Phares ouo fillo ad Esrom. Esrom ouo fillo ad Aram. Aram ouo fillo ad Aminadab. Est Aminadab fo uno de los cabdiellos de los fillos d Israel quando exieron de tierra de Egipto & andauan en el desert. Aminadab ouo fillo a Naason. Est Naason fo cabdiello en el desert de toda la albergada de tribu Juda. Naason ouo fillo a Salmon. Est Salmon priso muller Raab, la de Iherico, & ouieron fillo a Booz, on dize en l auangelio: Booz de Raab. Quando entraron los fillos d Israel en tierra de promission. Regno el rei Dauid XL.ª annos & ouo fillo a Salomon de la muller d Urias de Bersabe. Entre todo visco el rei David LXXX annos e murie e soterroronlo en Iherusalem, so cidath.

Apres la muert del rei Dauid regno so fillo el rei Salamon en Iherusalem & en Israel e fizo el temple de Deu annos.

Regno el rei Salamon XLª V.e annos e murie e soterroronlo en Iherusalem con el rei David, so padre, en monte Syon. Apres la muert del rei Salamon regno so fillo Roboam, e por so torpedat e por mal consello que credie, perdie del reismo d Israel [ 197 ]los X tribus & ouo los Iheroboam el fillo de Naboth, so enemigo. A Iheroboam dio Deus el reismo que lo siruiesse con el e lo touiesse por sennor, & el nolon (sic) creder, e fizo dos bezerros d oro e puso l uno en Dan & el otro en Bethel e fizolos adorar a los X tribus d Israel. Por esto que fizo Iheroboam priso mala carrera el e todo so casado comol menazo el Criador.

Regno Roboam, el fillo del rei Salamon, en Iherusalem I tribu sola. Esto le dexo el Criador por amor de Dauid, so auuelo. Quando compezo Roboam a rregnar auia XL.ª & I anno & regno XVII annos. Visco entre todo LVIII annos e murie e soterroronlo en Iherusalem con sos parientes e regno so fillo Abia en so logar. Regno Abia en Iuda & andido en los peccados de so padre & en las aulezas e non timie al Criador, e non regno mas de tres annos, e murie e soterroronlo en Iherusalem con sos parientes, e rregno so fillo Asa.

Regno Asa en Iudea XL.ª I anno e fo buen rei e dreiturero e crebanto las ydolas que trobo en toda so tierra, e fizo muitas batallas con sos enemigos e cobro toda la tierra que auia perdida so auuelo Roboam, el fillo del rei Salamon.

Mas a la finada murie de mal que ouo en los piedes e soterroronlo en Iherusalem con sos parientes, e rregno so fillo Iosapha.

Regno Iosapha en Iudea XXV annos. Entre todo uisco LXIII annos e murie e soterroronlo en ual de Iosapha e rregno so fillo Ioram en so logar. Estonz era Helias propheta en Israel & en Iudea.

Regno Ioram en Judea & en Israel & en Iherusalem VII annos e fo mal omne e mato todos sos ermanos e muitos de los principes de la tierra, e priso muller filla de Acab.

Murie Joram e los omnes de la tierra no lo ploraron como rei, ni no lo soterraron con los reies, e rregno so fillo Occozias.

Regno Occozias 1 anno solo en Iherusalem e murie. So madre ouo nomne Atallia, e fizo matar todos los omnes qui eran del lignage del rei. El rei Occozias ouo I fillo qui ouo nomne Ioas e criolo Joiade a furto. E pues por consello de Joiade murie Atallia, aquella mala reina, e rregno est so criado Joas. E pues fizo matar Joas a so fillo de Joiade. Est fo Zacharias, el fillo de Barachias, el que mataron inter templum & altare, hi lo apedrioron.